რამდენჯერ მიძებნია ჩემი შვილისთვის ისეთი სათამაშო, ეკოლოგიურად სუფთაც რომ იქნებოდა, ორიგინალურიც, ლამაზიც. სულ პრობლემა იყო პოვნა. ამიტომ, ერთ დღესაც გადავწყვიტე თავად შემექმნა ეკოსათამაშოები, რადგან ვემხრობი ყველაფერს, რაც გარემოს სიჯანსაღეს დაუბრუნებს. მასალად ნატურალური ხის გამოყენება დავიწყე, რომელსაც შემდეგომ ბუნებრივ პროდუქტებზე დამზადებული საღებავებით ვუკეთებთ დაფერვას. შეფუთვისას კი, ქაღალდს ვიყენებთ.
ვფიქრობ, მცირედით მაინც, აუცილებლად უნდა აიღოს ყველა კომპანიამ ეკო პასუხისმგებლობა. საბედნიეროდ, უკვე არის რამდენიმე კომპანია საქართველოში, რომლებიც ეკო პროდუქტების წარმოებას ცდილობენ.
დედამიწის საათის ღონისძიებასთან დაკავშირებით, წამახალისებელ გათამაშებებს ვგეგმავთ. გვინდა, უფრო მეტ ხალხს გავაგებინოთ, რამდენად მნიშვნელოვანია ეკოლოგია დედამიწისთვის და ადამიანებისთვის.
